ၵဵင်းမႆႇ ၸတ်းႁဵတ်းလွင်ႈလိူမ်ႈလႆႇ Big Cleaning Day တႃႇၽဵဝ်ႈမူၺ်ႉၸိူဝ်းၽၼ်း ၸီႇၵႃႇဝႆးရတ်ႉၸ်
September, 11, 2016
ဢိင်ၼိူဝ် မီးၸီႇၵႃႇ
ဝႆးရတ်ႉၸ် လႄႈ ၶႆႈလိူတ်ႈဢွၵ်ႇ ၽေႈတိူၼ်းဝႆႉလၢႆလၢႆၸေႊဝဵင်း ၼႂ်း
ၸေႊတွၼ်ႈၵဵင်းမႆႇ
ၼႆသေမိူဝ်ႈလဵဝ်ၼႆႉမီးၵူၼ်းပဵၼ်ဢၼ်ယူႇသဝ်းၼႂ်းႁူင်းယႃ
ၸေႊဝဵင်းသၼ်သၢႆး ၸေႊတွၼ်ႈ ၵဵင်းမႆႇၼၼ်ႉ ယူႇတီႈ 2,933 ၵေႃႉသေ ဢၼ်လႆႈတၢႆၵႂႃႇမီးယူႇ
3 ၵေႃႉ ဢၼ်ပဵၼ်တၢင်းပဵၼ်ၶႆႈလိူတ်ႈဢွၵ်ႇၼၼ်ႉ
တေထူပ်းႁၼ်မီးယူႇၵူႈၸေႊဝဵင်း ၼႂ်းၸေႊတွၼ်ႈၵဵင်းမႆႇ၊ ၵူၺ်းၵႃႈ
ၵူၼ်းဢၼ်တိတ်းၸပ်းတၢင်းပဵၼ် ၸီႇၵႃႇဝႆးရတ်ႉၸ် သမ်ႉမီးယူႇတီႈ 11 ၵေႃႉ ၼႂ်း 11 ၵေႃႉၼၼ်ႉမီးမႄႈမၢၼ်းယူႇ 3 ၵေႃႉ ၵူၼ်းပဵၼ်တၢင်းသဵင်ႈ
ယူႇၼႂ်းဢွင်ႈတီႈၸေႊဝဵင်းသၼ်သၢႆး ၸေႊတွၼ်ႈၵဵင်းမႆႇ။
ၵပ်းၵၢႆႇလူၺ်ႈ
လွင်ႈၸီႇၵႃႇဝႆးရတ်ႉၸ် ၽေႈတိူၼ်းဝႆႉၼႂ်းတူဝ်ၸေႊဝဵင်း သၼ်သၢႆးၼႆသေ တၢင်းၸဝ်ႈၼႃႈတီႈ
ၽူႈၵွၼ်းၸေႊဝဵင်း သၼ်သၢႆးလႄႈ ၽူႈၵွၼ်းႁွင်ႈၵၢၼ်ၽၢႆႇပၢႆးယူႇလီ ၸေႊတွၼ်ႈၵဵင်းမႆႇ
ႁူမ်ႈမိုဝ်းၵၼ် တင်းၵူၼ်းမိူင်း 500
ၵေႃႉသေၸတ်းႁဵတ်းလွင်ႈလိူမ်ႈလႆႇ Big Cleaning Day တွၼ်ႈတႃႇၽဵဝ်ႈမူၺ်ႉ ယုင်းလၢႆး
ဢၼ်ပဵၼ်တူဝ်ဢွၼ်မႃးၸိူဝ်ႉသၢႆၽၼ်းဢၼ်ႁဵတ်းႁႂ်ႈပဵၼ်ၶႆႈလိူတ်ႇဢွၵ်ႇ လႄႈ
ၸီႇၵႃႇဝႆးရတ်ႉၸ် လႆႈ။
ၼွၵ်ႈသေၼႆႉၸဝ်ႈၼႃႈတီႈၶဝ်ယင်းလႆႈ
ၸႅၵ်ႇၸၢႆႇပၼ် ၶိမ်းတႃးၽိဝ်ၼိူဝ်ႉတႃႇပူၵ်ႇပွင်ႉယုင်းၶူပ်း
ၸႅၵ်ႇပၼ်ၽူႈဢွၼ်ႁူဝ်မူႇဝၢၼ်ႈသေႁႂ်ႈၽူႈဢွၼ်ႁူဝ်မူႇဝၢၼ်ႈဢဝ်မိူဝ်း
ၸႅၵ်ႇၸၢႆႇပၼ်ၵူၼ်းဝၢၼ်ႈ
လိူဝ်သေၼၼ်ႉယင်းသပ်းလႅင်းၼေလၢႆးသႂ်ႇယႃႈယႃၶႃႈၸိူဝ်ႉၽၼ်းယုင်းလၢႆးဢၼ်ယူႇၼႂ်းၼမ်ႉၼဝ်ႈသေဢၼ်တေႁဵတ်းႁႂ်ႈပဵၼ်တီႈၵိူတ်ႇဢွၵ်ႇမႃးလႆႈယုင်းလၢႆးယွၼ်ႉဝႃႈယုင်းလၢႆးၼၼ်ႉပဵၼ်တူဝ်ဢွၼ်ၸိူဝ်ႉၸီႇၵႃႇဝႆးရတ်ႉၸ်မႃး ၽေႈတိူၼ်း
သင်ယုင်းလၢႆးဢၼ်မီးၸိူဝ်ႉၸီႇၵႃႇဝႆးရတ်ႉၸ်ယူႇၼၼ်ႉမႃးၶူပ်းႁဝ်းၼႆ တူဝ်ႁဝ်းၶႃႈၵေႃႈ တေတိတ်းၸပ်းၸီႇၵႃႇဝႆးရတ်ႉၸ်လႆႈ။
ၸၢႆးထႃႈဝီးသၵ်ႇ
ထဵၼ်းတႃႈၵုၼ်း ၸဝ်ႈၼႃႈတီႈၽၢႆႇပၢႆးယူႇလီ ၸေႊဝဵင်းသၼ်သၢႆး လၢတ်ႈဝႃႈ
တၢင်းၼမ်ၵူၼ်းၸိူဝ်းပဵၼ်တၢင်းပဵၼ် ၸီႇၵႃႇဝႆးရတ်ႉၸ် ၼႂ်းဢွင်ႈတီႈ
ၸေႊဝဵင်းသၼ်သၢႆးယၢမ်းလဵဝ် တၢင်းမူတ်းမီး 11 ၵေႃႉဢမ်ႇမီးလွင်ႈၽေႈတိူၼ်းၶိုၼ်ႈမႃးထႅင်ႈ
ၵူၺ်းၵႃႈၸိူင်ႉႁိုဝ်ၵေႃႈလီ
ပႂ်ႉတူၺ်းလွင်ႈၵူတ်ႇထတ်းဢၼ်လႆႈသူင်ႇၵႂႃႇပၼ်တၢင်းႁူင်းယႃႈယႃၶဝ်ၸႅတ်ႈၵူတ်ႇထတ်းတူၺ်းထႅင်ႈၵမ်းၼိုင်ႈၵွၼ်ႇ တွၼ်ႈတႃႇၽူႈယိင်းသၢမ်ၵေႃႉဢၼ်ပဵၼ်မႄႈမၢၼ်း(ပႃးတွင်သၼ်ႇထေႇ)သေပဵၼ်တၢင်းပဵၼ် ၸီႇၵႃႇဝႆးရတ်ႉၸ်ယူႇၼၼ်ႉၵေႃႈ
မိူဝ်ႈလဵဝ်မေႃယႃႁူင်းယႃၸေႊဝဵင်းသၼ်သၢႆးဢွၵ်ႇမႃးလၢတ်ႈဝႃႈ ၽူႈယိင်းသၢမ်ၵေႃႉၼၼ်ႉၵေႃႈၶႅၼ်းႁၢႆလီယဝ်ႉ ၼႆၶႃႈဢေႃႈ။
ၶေႃႈမုၼ်းၶၢဝ်ႇ Chiangmainews.co.th
ဢွၼ်လႅင်း ၵေႃသိုဝ်ႇၶၢဝ်ႇၵူၼ်းမိူင်းတႆး
