ၽၢႆႇလူင်ပွင်ၸိုင်ႈဢမ်ႇပႆႇလႆႈႁပ်ႉႁူႉသင်ၸွမ်း ၶေႃႈတူၵ်းလူင်းၸုၵ်းမၼ်ႈတီႈပၢင်သၢင်း
ၵေႃသိုဝ်ႇၶၢဝ်ႇၵူၼ်းမိူင်းတႆး
22/4/2017
ယူႇတီႈၽၢႆႇလူင်ပွင်ၸိုင်ႈၶဝ်သေဢမ်ႇပႂ်ႇလႆႈႁပ်ႉႁူႉၸွမ်းၶေႃႈတူၵ်းလူင်းဢၼ်ၸုမ်းယိပ်းၵွင်ႈၵၢင်
7 ၸုမ်း
ၶွတ်ႇၽွတ်ႈတူၵ်းလူင်းပိုၼ်ၽၢဝ်ႇတီႈပၢင်သၢင်းလႄႈတႃႇတေမၵ်းမၼ်ႈလၢတ်ႈၸွမ်းၶေႃႈၸုၵ်းမၼ်ႈၶဝ်ပဵၼ်တၢင်းၵၢၼ်ၼၼ်ႉ
တိုၵ်ႉၸဝ်ႉယူႇ ဢိင်ၼိူဝ်ၸုမ်းယိပ်းၵွင်ႈၵၢင်ႇၸၢဝ်းၶိူဝ်းလုၵ်ႉၽိုၼ်ႉ 7 ၸုမ်းဢၼ်ၸုမ်း ဝ (UWSP) ဢွၼ်ႁူဝ်ၸတ်းႁဵတ်း ပၢင်ၵုမ်တီႈပၢင်သၢင်းၼႃႈလိၼ်ၽွင်းငမ်းတူဝ်ၵဝ်ႇ
ဝ မိူဝ်ႈဝၼ်းထိ 15-19/4/2017 ၶၢဝ်းတၢင်းႁႃႈဝၼ်းၼၼ်ႉသေ ၼႂ်းၸဵတ်းၸုမ်း ၽွမ်ႉႁူမ်ႈၵၼ်
ၶွတ်ႇၽွတ်ႈ (ၶွမ်ႇမတီႇ
ဢုပ်ႇဢူဝ်းငူပ်ႉငီႉၵၢၼ်မိူင်း မိူင်းႁူမ်ႈတုမ်) ပိူဝ်ႈတႃႇတေဢုပ်ႇဢူဝ်း ၵၢၼ်မိူင်း ၸွမ်းလူင်ပွင်ၸိုင်ႈ
လႄႈသွၵ်ႈႁႃလွၵ်းလၢႆးသဵၼ်ႈတၢင်းမႂ်ႇပိူဝ်ႈတႃႇဢုပ်ႇဢူဝ်းလွင်ႈငမ်းယဵၼ် ဢၼ်ဢမ်ႇၸႂ်ႈ သဵၼ်ႈတၢင်းလိၵ်ႈႁူမ်ႈမၢႆ
NCA ၼၼ်ႉသေႁူမ်ႈၵၼ်ပိုၼ်ၽၢဝ်ႇ
သင်ဝႃႈတေဢုပ်ႇဢူဝ်းလွင်ႈငမ်းယဵၼ်ၸွမ်းလူင်ပွင်ၸိုင်ႈၸိုင်
တေဢမ်ႇယူႇတီႈပူၵ်ႉၵူဝ်ႇသုၼ်ႇတူဝ်ၸုမ်းသေဢုပ်ႇဢူဝ်း
တၢင်းၸဵတ်းၸုမ်းတေႁူမ်ႈၵၼ်ၸႂ်ႉၸိုဝ်ႈ
ၶွမ်ႇမတီႇ (ၶွမ်ႇမတီႇ ဢုပ်ႇဢူဝ်းငူပ်ႉငီႉၵၢၼ်မိူင်း မိူင်းႁူမ်ႈတုမ်)
သေဢုပ်ႇဢူဝ်းၵႂႃႇ ၼႆယဝ်ႉ။
ၵဵဝ်ႇၵပ်းလွင်ႈၼႆႉသေ
ဢူးၸေႃႇထေး ၽူႈၶၢၼ်ပၢၵ်ႇလုမ်ႈၸိုင်ႈမိူင်း လၢတ်ႈတီႈ RFA
ဝႃႈ
'' ၼႂ်းလိၵ်ႈမူႇပိူင်ဝႃႇတၶေႃႈၸုၵ်းမၼ်ႈၶဝ်ၼၼ်ႉ
မီးသင် ပႃးသင်လၢႆလၢႆၵေႃႈဢမ်ႇပႆႇလႆႈႁပ်ႉႁူႉၸွမ်းသင် ၼႂ်း 7 ၸုမ်းၼၼ်ႉၵေႃႈ ႁူမ်ႈပႃး လုၵ်ႈၸုမ်း UNFC
ယူႇမိူၼ်ၼင်ႇၸုမ်းယိပ်းၵွင်ႈၵၢင်ႇ
SSPP/SSA လႄႈၸုမ်း
KIA ၵေႃႈ မိူဝ်ႈပူၼ်ႉမႃး
လႆႈၸတ်းႁဵတ်းပၢင်ၵုမ်ၵၼ် ၵႂႃႇတီႈ
ၵဵင်းမႆႇ ၸိုင်ႈထႆး
တေယၢင်ႈၸွမ်းသဵၼ်ႈတၢင်း NCA သေ တုၵ်းယွၼ်းထိုင်လူင်ပွင်ၸိုင်ႈ 8 ၶေႃႈ
ၼၼ်ႉဝႆႉယူႇယွၼ်ႉၼၼ်ယူႇတီႈၸုမ်းၶဝ်သေ လႆႈတႅတ်းတတ်းဢုပ်ႇၵုမ်ၵၼ်ၵႂႃႇၼၼ်ႉၵေႃႈ
လႆႈႁူႉၸွမ်းယူႇ
ၵူၺ်းၵႃႈ
ၶဝ်သမ်ႉတေဝႆႉဝၢင်းတူၵ်းလူင်းလႆႈၸႂ်ၸွမ်းတီႈပၢင်ၵုမ်ပၢင်သၢင်းၸိူင်ႉႁိုဝ်တႄႉဢမ်ႇပႆႇႁူႉၸွမ်းလႆႈႁၼ်လႆႈငိၼ်းၸွမ်းဢၼ်ၶဝ်လၢတ်ႈၼႄၼႂ်းသိုဝ်ႇၶၢဝ်ႇၵႂႃႇၼၼ်ႉၵူၺ်း
ဢမ်ႇပႆႇလႆႈႁူႉၸွမ်းလွင်ႈတႅတ်ႈတေႃးသင် ၽိုၼ်လိၵ်ႈၶေႃႈၸုၵ်းမၼ်ႈ
ဢၼ်ၶဝ်ႈပဵၼ်တၢင်းၵၢၼ်ၵေႃႈၽၢႆႇလူင်ပွင်ၸိုင်ႈဢမ်ႇပႆႇလႆႈႁပ်ႉႁူႉသင်ၸွမ်း
ၵွပ်ႈၼၼ်
ယူႇတီႈၽၢႆႇလူင်ပွင်ၸိုင်ႈၵေႃႈ တႃႇတေလၢတ်ႈၸွမ်း
တူၵ်းလူင်းၶေႃႈၸုၵ်းမၼ်ႈၵႂႃႇၸွမ်းပဵၼ်တၢင်းၵၢၼ်ၼၼ်ႉ တိုၵ်ႉၸဝ်ႉယူႇ
ပဵၼ်ဢၼ်ယၢပ်ႇယူႇ ''
ဝႃႈၼႆ။
ယူႇတီႈၽူႈၵိူဝ်းၵုမ်ၸိုင်ႈမိူင်း
ၼၢင်းဢွင်ႇသၢၼ်းၸုၵျီႇ ၵေႃႈလၢတ်ႈဝႃႈ တႃႇတေဢုပ်ႇဢူဝ်းလွင်ႈငမ်းယဵၼ်ၼၼ်ႉ တိုၵ်ႉၽုၺ်ႇပၼ်ၽၵ်းတူယူႇၵူႈၶၢဝ်းယၢမ်း
ၼႆယဝ်ႉ ၊ၼင်ႇၼၼ်ၼင်ႇၵဝ်ႇ ဢၼ်လုၵ်ႈၸုမ်း UNFC ၶဝ်တုၵ်းယွၼ်းတၢင်ႇထိုင်လူင်ပွင်ၸိုင်ႈ 8 ၶေႃႈ ၼၼ်ႉၵေႃႈ ယူႇတီႈလူင်ပွင်ၸိုင်ႈၶဝ် ယွမ်းႁပ်ႉႁၼ်လီၸွမ်းၽွင်ႈသေ
ၸုမ်း JMC
လႄႈ
ၸုမ်းၶိုင်ပွင်လွင်ႈငမ်းယဵၼ် ၶဝ်ၵေႃႈတိုၵ်ႉၶတ်းၸႂ်ပိူဝ်ႈတႃႇဢုပ်ႇဢူဝ်းငူပ်ႉငီႉၵၼ်ၵႂႃႇယူႇ
ၼႆယဝ်ႉ ။
