လုၵ်ႉလဵင်ႉဢဝ်ၽႃႉၽၼ်းမႄႈလဵင်ႉတီႈၼမ်ႉၶမ်း ၊ ဝၢတ်ႇၸဵပ်း 2 ၵေႃႉ
ၸုမ်းၶၢဝ်ႇငဝ်းႁၢင်ႈသဵင်တႆး
5/6/2017
ဝၼ်းထိ 5/6/2017 ၼီႈ မိူဝ်ႈၼႆႉ ယၢမ်းဝၢႆးဝၼ်း ၼိုင်ႈမူင်းၶိုင်ႈ တီႈၼႂ်းပွၵ်ႉ ႁူဝ်ၼွင်
ဝဵင်းၼမ်ႉၶမ်း ၸေႈတွၼ်ႈမူႇၸေႈ မီးလွင်ႈဢဝ်ၽႃႉၽၼ်း ၵၼ် ၊ ၼၢင်းယိင်း သွင်ၵေႃႉ
လႆႈဝၢတ်ႇၸဵပ်းႁႅင်းသေ ၶိုၼ်ႈႁူင်းယႃၼမ်ႉၶမ်း ။
မိူဝ်ႈလႆႈၸႅတ်ႈတူၺ်းၼၼ်ႉ ၵေႃႉဢၼ်လၵ်ႉၶူဝ်းၸိူဝ်း ၼၼ်ႉၼႆႉ
ပဵၼ်လုၵ်ႈလဵင်ႉၶဝ် ၸိုဝ်ႈႁွင်ႉ တဵင်းထုၼ်းဢွင်ႇ ဢၼ်လုၵ်ႉမိူင်းမၢၼ်ႈ မႃးႁဵတ်းၵၢၼ်တီႈႁိူၼ်းၶဝ်လႄႈ
ၶဝ်ၸင်ႇ ဢဝ်မၼ်းဢွၵ်ႇၵၢၼ်ပႅတ်ႈ မိူဝ်ႈပူၼ်ႉမႃး 10 ဝၼ်း ၊ ၼႂ်းၵႄႈၼႆႉ လုၵ်ႈလဵင်ႉၵေႃႉၼၼ်ႉ ၵမ်းၵမ်းၶိုၼ်းမႃးယွၼ်း
ငိုၼ်းသေ လွၵ်ႇငိူၵ်ႈၶဝ်၊ ထိုင်မႃးယၢမ်းမိူဝ်ႈၼႆႉသမ်ႉဢဝ်ၽႃႉၽၼ်းၶဝ်ၸိူင်ႉၼႆ
ၸၢႆးထုၼ်းလႅင်ႇ သိုပ်ႇလၢတ်ႈထႅင်ႈဝႃႈ ၵေႃႉပဵၼ်မႄႈၼၼ်ႉ လႆႈတိူဝ်ႉဝၢတ်ႇၸဵပ်းၵႂႃႇတီႈ
ၵွၵ်းႁူဝ် ၊ ႁူဝ်မႃႇၽၢႆသၢႆႉ လႄႈ ၶႅၼ်၊ ၼိဝ်ႉမိုဝ်းၵေႃႈ လႆႈ ပုတ်းၵႂႃႇ ၊ ႁွႆးၸဵပ်းၶႂ်ႈၼႃႇဝႆႉလႄႈ လူဝ်ႇသႂၢင်းလိူတ်ႈ ၊
လူဝ်ႇၵူၼ်းလူႇလိူတ်ႈၶိုၵ်ႉၶၵ်ႉ သေပၢႆဢမ်ႇၵႃး ဢၢပ်ႈတေလႆႈသိုပ်ႇၵႂႃႇ ႁူင်းယႃ မူႇၸေႈ
၊ ၵေႃႉပဵၼ်လုၵ်ႈယိင်းတႄႉ ဢမ်ႇပေႃးၸဵပ်းႁႅင်းတၢၼ်ႇမႄႈ ၼႆၶႃႈယဝ်ႈ ။
တႃႇတေတိၺွပ်း ဢဝ်တဢင်းၽိတ်းထိုင် လုၵ်ႈလဵင်ႉၶဝ်ၼၼ်ႉ ယၢမ်းလဵဝ်
ၸဝ်ႈၼႃႈတီႈပလိၵ်ႈႁၢၼ်ၶဝ် တိုၵ်ႉသိုပ်ႇသွၵ်ႈႁႃ မၼ်းၸၢႆးယူႇသေ တေႃႇထိုင် ႁူဝ်ၶမ်ႈ 6 မူင်းၼႆႉတႄႉ ပႆႇငိၼ်းဝႃႈ
ၶဝ်တိလႆႈၵူၼ်းႁၢႆႉ ၼႆၶႃႈယဝ်ႈ ။
