ပၢင်သွၼ်ထႅမ်ၼမ်ႉၵတ်ႉၵူၼ်းၼုမ်ႇ တီႈမိူင်းပွၼ် ၸတ်းႁဵတ်းပွၵ်ႈဢွၼ်တၢင်းသုတ်း
ၵေႃသိုဝ်ႇၶၢဝ်ႇၵူၼ်းမိူင်းတႆး
ၸၢႆးဢွၼ်လႅင်း 14/06/2017
ၼင်ႇႁိုဝ်ၵူၼ်းၼုမ်ႇပေႃးတေမီးတၢင်းႁတ်းႁၢၼ်
ႁတ်းလၢတ်ႈ ႁတ်းဝူၼ်ႉ ၼႆလႄႈ ၸဝ်ႈသြႃႇလူင် ဝတ်ႉဢူးယဵၼ် ဝဵင်းမိူင်းပွၼ်ပဵၼ်ၵဝ်ႉငဝ်ႈၵႂၼ်းသေၸတ်းႁဵတ်းပၢင်သွၼ် ထႅမ်ၼမ်ႉၵတ်ႉၵူၼ်းၼုမ်ႇ ပွၵ်ႈဢွၼ်တၢင်းသုတ်း။
 |
| Photo TYO |
ပၢင်သွၼ်ထႅမ်ၼမ်ႉၵတ်ႉၵူၼ်းၼုမ်ႇပွၵ်ႈၵမ်းၼႆႉၸတ်းႁဵတ်းတီႈ
ဝတ်ႉဢူးယဵၼ် ဝဵင်းမိူင်းပွၼ်၊ ပၢင်သွၼ်ၼႆႉယွၼ်ႉတိုၵ်ႉ ၸတ်းႁဵတ်းပဵၼ်ပွၵ်ႈၵမ်းဢွၼ်တၢင်းသုတ်းလႄႈ
မီးလုၵ်ႈႁဵၼ်းၶိုၼ်ႈႁဵၼ်းတၢင်းသဵင်ႈ 24 ၵေႃႉ ၸၢႆး 14 ၵေႃႉ၊ယိင်း 8 ၵေႃႉ လႄႈ ၸဝ်ႈသၢင်ႇ
2 ပႃး၊ ၼႂ်းပၢင်သွၼ်ၼႆႉလႆႈသွၼ်ပၼ် မိူၼ်ၼင်ႇ 1.ၽႃႇသႃႇဢင်းၵိတ်း 2.ၽႃႇသႃႇထႆး 3.ၵၢၼ်ၸႂ်ႉတိုဝ်းၶွမ်ႇၽိဝ်ႊတိူဝ်ႊ
(Computer) ၸိူဝ်းၼႆႉ။
 |
| Photo TYO |
ၶူးၸိူဝ်းမႃးသွၼ်ၼႂ်းပၢင်သွၼ်ပွၵ်ႈၵမ်းၼႆႉ
မီးၸဝ်ႈၶူး 3 ပႃးလႄႈ ၵူၼ်းႁိူၼ်း 2 ၵေႃႉ ၸဝ်ႈၶူးၸိူဝ်းမႃးသွၼ်ၼၼ်ႉတေႉ ပဵၼ်လုၵ်ႈႁဵၼ်း
သင်ႇၶတႆးတီႈၸၼ်ႉၸွမ် မႁႃႇၸူႊလႃး မိူင်းထႆး လႄႈလုၵ်ႈႁဵၼ်းၸိူဝ်းၶိုၼ်ႈႁဵၼ်းၸၼ်ႉၸွမ်ဝႆႉ
ၸိူဝ်းၼႆႉၼႆၶႃႈယဝ်ႈ။
ၸဝ်ႈသြႃႇလူင် ၶၼ်ႇတီႇၸႃႇရ
ၸဝ်ႈၵႂၢၼ်းဝတ်ႉ ဢူးယဵၼ် လၢတ်ႈဝႃႈ “ယိူင်းဢၢၼ်းၸဝ်ႈၶဝ်ဢၼ်လႆႈပိုတ်ႇပၢင်သွၼ် ပွၵ်ႈၼႆႉ
ၵွပ်ႈပိူဝ်ႈဝႃႈ ၶႂ်ႈထႅမ်ပၼ်ၼမ်ႉၵတ်ႉ ၵူၼ်းၼုမ်ႇႁဝ်း ႁႂ်ႈမီးၼမ်ႉၵတ်ႉတၢင်းၶၢၼ် လႄႈႁႂ်ႈမီးလွင်ႈႁတ်းႁၢၼ်
ႁတ်းႁဵတ်း ႁတ်းလၢတ်ႈ ႁတ်းဝူၼ်ႉ ၸၵႂႃႇၸိူဝ်းၼႆႉၵူႈလွင်ႈလွင်ႈ ႁႂ်ႈၵူၼ်းၼုမ်ႇႁဝ်း မေႃၶဝ်ႈဢွၵ်ႇႁႃၵၼ်
လႄႈမိုတ်ႈၵိုဝ်း ၸမ်ၸႂ်ၵၼ် ၸိူဝ်းၼႆႉပဵၼ်တၢင်းယိူင်းဢၢၼ်းဢၼ်လႆႈၸတ်းႁဵတ်းပၢင်သွၼ်ပွၵ်ႈၵမ်းၼႆႉ”
ၼႆၶႃႈယဝ်ႉ။
ဝဵင်းမိူင်းပွၼ်ၼႆႉ
ယူႇၼႂ်းၸေႊတွၼ်ႈလွႆလႅမ် ၸိုင်ႈတႆး ပွတ်းၸၢၼ်း ပဵၼ်မိူင်းတီႈၵိူတ်ႇၸဝ်ႈၾႃႉတႆး ၸဝ်ႈၸၢမ်ႇထုၼ်း
သေမီးႁေႃၸဝ်ႈၾႃႉ ၸဝ်ႈၸၢမ်ႇထုၼ်း ဢၼ်မီးဢႃႇယူႉၵဝ်ႇၵႄႇ ၵိုၵ်းပိုၼ်းဝဵင်းမိူင်းပွၼ်ဝႆႉယူႇယၢမ်းလဵဝ်
ၼႆၶႃႈဢေႃႈ။
