ၵူၼ်းဝၢၼ်ႈၼႂ်းၸေႈဝဵင်းၼမ်ႉသၼ်ႇ သွင်ၵေႃႉ ယဵပ်ႇၺႃးမၢၵ်ႇဢၼ်ပိူၼ်ႈႁၢင်ႈဝႆႉ ၊ လုတၢႆၵႂႃႇတင်းသွင်ၵေႃႉ
ၸုမ်းၶၢဝ်ႇငဝ်းႁၢင်ႈသဵင်တႆး 21/10/2017
ၶၢဝ်ႇDVB တႅမ်ႈမွၵ်ႇၵႂႃႇမိူဝ်ႈဝၼ်းထိ 21 လိူၼ်ထူၼ်ႈ 10 ပီ 2017 ၼီႈၼႆႉဝႃႈ ၵူၼ်းဝၢၼ်ႈသွင်ၵေႃႉ ဢၼ်ယူႇတီႈ ဝၢၼ်ႈလွႆၼိူဝ် လႄႈ ဝၢၼ်ႈလူင်တွၵ်ႇၸေႈဝဵင်းၼမ်ႉသၼ်ႇ ၸေႈတွၼ်ႈၵျႂၵ်ႉမႄး ၸိုင်ႈတႆး ပွတ်းႁွင်ႇ လႆႈၵႂႃႇယဵပ်ႇၺႃး မၢၵ်ႇဢၼ်ပိူၼ်ႈႁၢင်ႈဝႆႉသေ လုတၢႆၵႂႃႇ ။
ၶၢဝ်ႇDVB တႅမ်ႈမွၵ်ႇၵႂႃႇမိူဝ်ႈဝၼ်းထိ 21 လိူၼ်ထူၼ်ႈ 10 ပီ 2017 ၼီႈၼႆႉဝႃႈ ၵူၼ်းဝၢၼ်ႈသွင်ၵေႃႉ ဢၼ်ယူႇတီႈ ဝၢၼ်ႈလွႆၼိူဝ် လႄႈ ဝၢၼ်ႈလူင်တွၵ်ႇၸေႈဝဵင်းၼမ်ႉသၼ်ႇ ၸေႈတွၼ်ႈၵျႂၵ်ႉမႄး ၸိုင်ႈတႆး ပွတ်းႁွင်ႇ လႆႈၵႂႃႇယဵပ်ႇၺႃး မၢၵ်ႇဢၼ်ပိူၼ်ႈႁၢင်ႈဝႆႉသေ လုတၢႆၵႂႃႇ ။
 |
| Photo : Ta'ang News |
ၸဝ်ႈသြႃႇသေႃးပိတ
ၽူႈၼမ်းၼႃႈၸုမ်းၸွႆႈထႅမ်ၶႅၵ်ႇလီပၢၵ်ၸႃႉ ဢိူင်ႇထႅဝ်လၢႆး ( ေရွာလွဲတိုက္နယ္ ) ၸေႈဝဵင်းၼမ်ႉသၼ်ႇ လၢတ်ႈၼႄၽူႈသိုဝ်ႇၶၢဝ်ႇဝႃႈ ဝၼ်းထိ 20
လိူၼ်ထူၼ်ႈ 10 မိူဝ်ႈဝႃးၼႆႉ တီႈဝၢၼ်ႈ ၼမ်ႉလိၼ်း
မီးပွႆးႁႅၼ်းလူႇႁႅၼ်းတၢၼ်း လႄႈ ၵူၼ်းဝၢၼ်ႈလွႆၶဝ်ၵႂႃႇတင်းၼမ်။
သၢဝ်ဝၢၼ်ႈလွႆၵေႃႉၼိုင်ႈ ၸိုဝ်ႈႁွင်ႉ လူၺ်းဢေးၼၢင်း ဢႃႇယုမွၵ်ႈ 20 ၼႆႉၵေႃႈ ဢၢင်ႈၵႂႃႇပွႆးၸွမ်းပိူၼ်ႈလႄႈ လုၵ်ႉတီႈသူၼ်ၼဵင်ႈသေ
မိူဝ်းလၢႆႈၶူဝ်းတီႈႁိူၼ်း ။ ၵူၺ်းၵႃႈ သမ်ႉယဵပ်ႇၺႃးမၢၵ်ႇဢၼ်ပိူၼ်ႈႁၢင်ႈဝႆႉ ၸွမ်းတၢင်းသေ
ဢဝ်ၶႃမၼ်း ပုတ်းလူင်ၵႂႃႇတင်းသွင်ၶွၼ်။ ပိူၼ်ႈဢွၼ်ၵၼ် ဢဝ်မၼ်းၼၢင်းၵႂႃႇတၢင်ႇတီႈ
ႁူင်းယႃလူင်လႃႈသဵဝ်ႈ ။ ၵူၺ်းၵႃႈ လိူတ်ႈမၼ်းဢွၵ်ႇၼမ်ၼႃႇလႄႈ
ပႆႇတၼ်းထိုင်ႁူင်းယႃ
မၼ်းၼၢင်းလႆႈသဵင်ႈၵႂႃႇပႅတ်ႈ ။
လူၺ်းဢေးၼၢင်းၼႆႉ ပဵၼ်လုၵ်ႈယိင်းလၵ်းလႅမ် ႁဵတ်းလဵင်ႉပေႃႈမႄႈတင်းသွင်
ဢၼ်ဢမ်ႇပေႃးယူႇလီၼၼ်ႉ ၼႆၶႃႈယဝ်ႈ ။
 |
| Photo : Ta'ang News |
ၼႂ်းဝၼ်းလဵဝ်ၼၼ်ႉၵူၺ်းၼင်ႇၵဝ်ႇ
တီႈၼႂ်းၵႄႈ ဝၢၼ်ႈလူင်တွၵ်ႇ တင်း
ဝၢၼ်ႈပဵင်း ၼၼ်ႉၵေႃႈ မီးၵူၼ်းဝၢၼ်ႈ ၵေႃႉၼိုင်ႈ ၸိုဝ်ႈႁွင်ႉ လႃႉၸိင်ႇ
ၵႂႃႇသူၼ်ၼဵင်ႈသေ ယဵပ်ႇၺႃးမၢၵ်ႇလႄႈ လႆႈတၢႆတင်တီႈ ။ ၽွင်းမိူဝ်ႈလႆႈငိၼ်းသဵင်ၽူင်ႉတႅၵ်ႇပဵၼ်ၵၢင်ဝၼ်း
။ ပိူၼ်ႈၵူဝ်လႄႈၽႂ်ၵေႃႈ ဢမ်ႇႁတ်းၵႂႃႇၸမ်။ ထိုင်ႁူဝ်ၶမ်ႈ 4 မူင်းမႃး ၸင်ႇၵႂႃႇတူၺ်းလႄႈ လႆႈႁၼ်ၵူၼ်းၵေႃႉၼၼ်ႉ ဢဝ်ပုမ်မၼ်းတႅၵ်ႇသေ
လုတၢႆယူႇ ။ ၵူၼ်းဝၢၼ်ႈၶဝ်ၵေႃႈ ၸွႆႈၵၼ်ၾင်တူဝ်တၢႆမၼ်းၸၢႆးပႅတ်ႈတီႈၼၼ်ႉၵမ်းလဵဝ်
ၼႆၶႃႈ။
မိူဝ်ႈဝၼ်းထိ 19 ၼၼ်ႉၵေႃႈ ဝူဝ်းတူဝ်ၼိုင်ႈယဵပ်ႇၺႃးမၢၵ်ႇသေလုတၢႆၵႂႃႇ။
ယွၼ်ႉပိူဝ်ႈ ၵမ်းၵမ်းလႆႈႁၼ်မၢၵ်ႇ တႅၵ်ႇ ၸိူင်ႉၼႆလႄႈ ၵူၼ်းဝၢၼ်ႈၼႂ်းဢိူင်ႇၼၼ်ႉ
ၽႂ်ၵေႃႈဢမ်ႇပေႃးၶႂ်ႈႁတ်းၵႂႃႇသူၼ်ၼဵင်ႈၵၼ် ၼႆၶႃႈယဝ်ႈ ။
ၼႂ်းၸေႈဝဵင်းၼမ်ႉသၼ်ႇၼၼ်ႉ
တပ်ႉသိုၵ်းမၢၼ်ႈ မဢလ လႄႈ တၵ်ႉသိုၵ်းလွႆ tnla ၶဝ်
ၵမ်းၵမ်းပဵၼ်ပၢင်တိုၵ်း ၵၼ်သေ ၵႆႉႁၢင်ႈမၢၵ်ႇသႂ်ႇၵၼ် ။ သၢင်ႇဢမ်ႇတေႃႇၵူၼ်းမိူင်းသမ်ႉၵႂႃႇယဵပ်ႇၺႃးသေ
လႆႈထူပ်းၽေး ၸိူင်ႉၼႆ ၶႃႈယဝ်ႈ ။
