ပီႈၼွင်ႉတႆးမႄႈသၢႆ ထုၵ်ႇႁူၺ်/တိူဝ်ႉထီႇထႆး လႆႈငိုၼ်းတႃႇ 48 လၢၼ်ႉ ဝၢတ်ႇ
ၸုမ်းငဝ်းႁၢင်ႈသဵင်တႆး 2/11/2017
ဝၼ်းထိ 1/11/2017
ၼီႈ
ဝၼ်းဢၼ်မၢႆၼပ်ႉႁူၺ် / မၢႆၼပ်ႉထီႇ ထႆး
ဢွၵ်ႇမႃးၼႆႉ မီးပီႈၼွင်ႉတႆးၵေႃႉၼိုင်ႈ
ပဵၼ်ၵူၼ်းႁေႃႈလူတ်ႉ တီႈဝဵင်းမႄႈသၢႆ ၸေႈတွၼ်ႈၵဵင်းႁၢႆး ပဵၼ်ဢၼ်မီး သုၼ်ႇ မီးမၢၼ် ယႂ်ႇယႂ်ႇၼမ်
တိူဝ်ႉထီႇ တင်း 18 ဝႂ် ၊ ၼိုင်ႈဝႂ်လႂ်
သမ်ႉလႆႈ 6 လၢၼ်ႉဝၢတ်ႇလႄႈ တင်း သဵင်ႈ
လႆႈမႃးငိုၼ်းထႆး 48 လၢၼ်ႉ ။
 |
| Photo: Tnews |
ၼႂ်းၶၢဝ်ႇထႆး TNEWS တႅမ်ႈမွၵ်ႇၵႂႃႇဝႃႈ မိူဝ်ႈဝႃး ဝၼ်းထိ 1 လိူၼ်ထူၼ်ႈ ႑႑ ပီ 2017 ၼီႈၼႆႉ မီးၽူႈၸၢႆး 2 ၵေႃႉ ဢၼ်ပဵၼ် นายบุญเมือง นามดี ဢႃႇယု 23 ပီ ယူႇပွၵ်ႉဝဵင်းၽၢင်ၶမ်း ဝဵင်းမႄႈသၢႆ
လႄႈတင်း นายขันแก้ว
ดวงคำ ဢႃႇယု 33
ပီ
ၶဝ် သွင်ၵေႃႉ ယိပ်းတင်းဝႂ်ႁူၺ် ဢၼ်မီးမၢႆၼပ်ႉ 533726 ဢၼ်ပဵၼ် မၢႆၼပ်ႉသူးရၢင်းဝၼ်းထိ 1 ၼၼ်ႉ တင်းသဵင်ႈ 8 ဝႂ် မႃးတိူင်ႇလၢတ်ႈၸႅင်ႈၵႂၢမ်းဝႆႉ တီႈ
ၸဝ်ႈၼႃႈတီႈႁူင်းပလိၵ်ႈႁၢၼ်တမ်ႇလူတ်ႇ ၸေႈဝဵင်းမႄႈသၢႆ ။ ဢၼ်ဝႃႈလူၺ်ႈလွင်ႈ
ၶဝ်တိူဝ်ႉထီႇထုၵ်ႇႁူၺ် ရၢင်းဝၼ်းသူးထိ 1 တင်းသဵင်ႈ 8
ဝႂ်
တႃႇငိုၼ်း 48 လၢၼ်ႉ ဝၢတ်ႇ။
သေယဝ်ႉ မီးပႃးတင်း
မူႇပီႈၸုမ်းၼွင်ႉ မႃးႁူမ်ၸူမ်းပၼ်ႁႅင်းၸွမ်းပဵၼ်ၽုင်၊ ၵေႃႉဢၼ်တိူဝ်ႉထီႇ ၼၼ်ႉတႄႉ
ပဵၼ် นายขันแก้ว
ดวงคำ ဢႃႇယု 33
ပီ
။ ၵူၺ်းၵႃႈ นายขันแก้ว ดวงคำ
သမ်ႉဢမ်ႇ ၸႂ်ႈၵူၼ်းထႆး ၊
မၼ်းၸၢႆးပဵၼ်တႆးသေ ယိပ်းဝႆႉဝႂ်ပိုၼ်ႉတီႈသုင် ဢၼ်ပဵၼ် မၢႆ 6 ၼမ်းၼႃႈၵူၺ်းလႄႈ ၵူဝ်ႇမီးတၢင်းယၢပ်ႇၽိုတ်ႇ
မိူဝ်ႈၵႂႃႇထုၵ်ႈငိုၼ်း ၼႆသေ ႁႂ်ႈ นายบุญเมือง นามดี ဢႃႇယု 23 ပီ ၵေႃႉပဵၼ် ၼွင်ႉၶူၺ် ဢၼ်ပဵၼ်ၵူၼ်းထႆးၼၼ်ႉ
မႃးလူင်းၸိုဝ်ႈဝႆႉ ။
ၵဵဝ်ႇလူၺ်ႈလွင်ႈၼႆႉသေ
ၸုမ်းငဝ်းႁၢင်ႈသဵင်တႆး လႆႈၸွပ်ႇၸၢမ်းၵပ်းသိုပ်ႇ တွင်ႈထၢမ်တူၺ်း นายขันแก้ว ดวงคำ
ၵေႃႉဢၼ်
တိူဝ်ႉထီႇၼၼ်ႉလႄႈ လႆႈႁုဝႃႈ
ၸိုဝ်ႈတႆးမၼ်းၸၢႆးႁွင်ႉဝႃႈ ၸၢႆးလူင် ၊ ႁဵတ်းၵၢၼ် ႁေႃႈလူတ်ႉ 3 လေႃႉ ( လူတ်ႉတုၵ်ႉတုၵ်ႉ ) သေ ႁပ်ႉသူင်ႇၵူၼ်း ႁိမ်းႁွမ်းၵိၵ်ႉရၢၼ်ႇ ၽၵ်း တူ
မႄႈသၢႆတႃႈၶီႈလဵၵ်း ၊ ဝႂ်ထီႇၼၼ်ႉၵေႃႈ လႆႈသိုဝ်ႉတီႈႁိမ်း
ရၢၼ်ႇၽၵ်းတူမႄႈသၢႆၵူၺ်းၼင်ႇၵဝ်ႇ ။ မိူဝ်ႈၼႃႈ မၢႆၼပ်ႉႁူၺ်တေဢွၵ်ႇၼၼ်ႉၵေႃႈ
ဢမ်ႇလႆႈၼွၼ်းၾၼ် မီးၼမိၵ်ႈဢီႈသင် ၊ ၵူၺ်းၵႃႈ မၼ်းဢဝ် မၢႆၽှူၼ်းမၼ်း ဢၼ်ပဵၼ် 726 ၼၼ်ႉ သႂ်ႇႁူၺ်/ ထူဝ်းထီႇ ၸၢမ်းၵုသူဝ်ႇၵၢမ်ႇမႃးၵူႈၵမ်း ၊ မီးမွၵ်ႈ 2 ပီပၢႆ။ မိူဝ်ႈႁုဝႃႈ
တိူဝ်ႉထီႇၵမ်းယႂ်ႇၵမ်းလူင်ပွၵ်ႈၼႆႉၸိုင် ပဵၼ်ဢၼ် ၸူမ်းလူင်ၸူမ်းလၢင် လႄႈ သမ်ႉပေႃး ၵႂၢင်ၵိင်ၵႂႃႇသဵင်ႈ ။ ငိုၼ်းၸိူဝ်းၼၼ်ႉ တေဢဝ်ႁဵတ်းသင်ၽွင်ႈၼႆၵေႃႈ
ပႆႇလႆႈဝူၼ်ႉ ဢွၼ်တၢင်း သုတ်းတႄႉ တေႁႅၼ်းလူႇႁႅၼ်းတၢၼ်းသေၵွၼ်ႇ ၼႆၶႃႈယဝ်ႈ ။
