လုၵ်ႈဢွၼ်ႇတီႈၼမ်ႉတူႈ ၵဵပ်းလဵၼ်ႈမၢၵ်ႇၵွင်ႈလူင် တႅၵ်ႇၽူင်ႉသႂ်ႇၶဝ် တၢႆ 1 ၵေႃႉ ဝၢတ်ႇၸဵပ်း 2 ၵေႃႉ
ဝၼ်းထိ 7 လိူၼ်ထူၼ်ႈ 5 ပီ 2018 ၼီႈ မိူဝ်ႈဝႃးယၢမ်းႁူဝ်ၶမ်ႈမွၵ်ႈ 4 မူင်းပၢႆ တီႈၼႂ်းဝၢၼ်ႈၼႃးသၢႆး ၸေႈဝဵင်းၼမ်ႉတူႈ ၸေႈတွၼ်ႈၵျႂၵ်ႉမႄး ၸိုင်ႈတႆးပွတ်းႁွင်ႇၼၼ်ႉ လုၵ်ႈဢွၼ်ႇၼႂ်းဝၢၼ်ႈၶဝ် ၵဵပ်းလဵၼ်ႈမၢၵ်ႇၵွင်ႈလူင်သေ ဢဝ်ထိုမ်ႈသႂ်ႇၵၼ် ၊ သမ်ႉဢဝ်ၽူင်ႉတႅၵ်ႇသႂ်ႇၶဝ်လႄႈ လုတၢႆ 1 ၵေႃႉ ဝၢတ်ႇၸဵပ်း 2 ၵေႃႉ ။
ႄမႈပႃးၺုၼ်ႉ ၵူၼ်းဝၢၼ်ႈၼႃးသၢႆး လၢတ်ႈၼႄၸုမ်းငဝ်းႁၢင်ႈသဵင်တႆးဝႃႈ မိူဝ်ႈဝႃးၼႆႉ လုၵ်ႈဢွၼ်ႇ ၸၢႆး 2 ၵေႃႉ လုၵ်ႈဢွၼ်ႇယိင်းၵေႃႉၼိုင်ႈ ၶဝ်ၵႂႃႇဢွႆႇၶဝ်ႈမူ ၊ လုၵ်ႈဢွၼ်ၸၢႆး ဢႃႇယု မွၵ်ႈ ( 13 ) ၶူပ်ႇၼၼ်ႉသမ်ႉ တိုၵ်ႉတဵၵ်းၼမ်ႉယူႇ ၊ လုၵ်ႈဢွၼ်ႇၸၢႆး ဢႃႇယု 6 ၶူပ်ႇ ႄလႈတင်းလုၵ်ႈဢွၼ်ႇယိင်း ဢႃႇယု 7 ၶူပ်ႇၼၼ်ႉသမ်ႉ ၵႂႃႇႁၼ်မၢၵ်ႇၵွင်ႈလူင် သမ်ႉဢဝ်ထိုမ်ႈသႂ်ႇၵၼ်သေယဝ်ႉ ဢဝ်ၽူၵ်ႉတႅၵ်ႇသႂ်ႇၶဝ်သေ လႆႈတိူဝ်ႉဝၢတ်ႇၸဵပ်းၵႂႃႇ ၊ ပေႃႈႄမႈပီႈၼွင်ႉၶဝ် ၼႅတ်ႈဢွၼ်ဢဝ်ၵႂႃႇတီႈ ႁူင်းယႃလူင်လႃႈသဵဝ်ႈသေတႃႉ လုၵ်ႈဢွၼ်ၸၢႆး ဢႃႇယု 6 ၶူပ်ႇ ဢၼ်တိူဝ်ႉဝၢတ်ႇၸဵပ်းလိူဝ်ပိူၼ်ႈၼၼ်ႉ လႆႈလုၵႂႃႇၸွမ်းတၢင်းႄလႈ ဢဝ်မႃးလုမ်းလႃးသၢင်ၵျူဝ်တီႈဝၢၼ်ႈ မိူဝ်ႈၼႆႉ ။ ထႅင်ႈသွင်ၵေႃႉတႄႉ ၵေႃႉၼိုင်ႈတိူဝ်ႉတီႈႁူဝ်မႃႇ ၊ ၵိင်ႇႁေႉႄလႈ ထႅင်ႈၵေႃႉၼိုင်ႈ ဢၼ်ပဵၼ်လုၵ်ႈဢွၼ်ႇယိင်းၼၼ်ႉ တိူဝ်ႉၵႂႃႇတီႈတိၼ်ေသ ယၢမ်းလဵဝ်တိုၵ်ႉမီးယူႇတီႈႁူင်းယႃ ၼႆယဝ်ႉ ။
ႄမႈပႃႈၺုၼ်ႉ သိုပ်ႇလၢတ်ႈၼႄထႅင်ႈဝႃႈ တီႈႁိမ်းဝၢၼ်ႈၶဝ်ၼႆႉ မိူဝ်ႈလိူၼ်ပူၼ်ႉမႃးတပ်ႉသိုၵ်းမၢၼ်ႈလႄႈ တပ်ႉသိုၵ်းလွႆၶဝ် ပဵၼ်ပၢင်တိုၵ်းၵၼ်၊ ႁဵတ်းႁႂ်ႈမၢၵ်ႇလူင် တူၵ်းသႂ်ႇၼႂ်းဝၢၼ်ႈ ၊ တိူဝ်ႉၺႃး ၵူၼ်းဝၢၼ်ႈၵေႃႉၼိုင်ႈပၢႆဢမ်ႇၵႃး တိူဝ်ႉပႃးတင်းထၢင်ၽၢႆႈႄလႈ တူၼ်ႈသူမ်ႈၶွၼ် ၊ ၶဝ်ၵေႃႈလႆႈပၢႆႈၽေး
ၵႂႃႇယူႇတီႈမိူင်းမုၵမ်းၼိုင်ႈ ၊ မၢၵ်ႇၵွင်ႈလူင် ဢၼ်လုၵ်ႈဢွၼ်ႇၶဝ် ႁုပ်ႉႁၼ်မိူဝ်ႈဝႃးၼႆႉ ဢၢပ်ႈတေပဵၼ်မၢၵ်ႇဢၼ်ၵိုတ်းၶၢင်ႉဝႆႉ မိူဝ်ႈၶဝ်တိုၵ်းၵၼ် ။ ယၢမ်းလဵဝ်ၼႆႉၵေႃႈ ၵူဝ်မၢၵ်ႇဢၼ်ပႆႇတႅၵ်ႇ ယင်းတိုၵ်ႉၵိုတ်းယူႇဝႆႉၼႂ်းဝၢၼ်ႈထႅင်ႈလႄႈ လႆႈပၼ်ၾၢင်ႉသတိ လုၵ်ႈဢွၼ်ႇၶဝ် ယႃႇၵႂႃႇလဵၼ်ႈၸွမ်းၸွၵ်ႉၸွမ်းၸဵင်ႇႄလႈ ယႃႇၵႂႃႇလႃႈလီႈယိပ်းလဵၼ်ႈတိူဝ်ႉလဵၼ်ႈ မဵဝ်းဢၼ်ဢမ်ႇႁုၸၵ်း၊ ၸွမ်းၼင်ႇ ၵၢင်ၸႂ်ၵူၼ်းဝၢၼ်ႈၵေႃႉၼိုင်ႈဝႃႈႄတႉ
ဢမ်ႇၶႂ်ႈႁႂ်ႈမႃးပဵၼ်ပၢင်တိုၵ်းၵၼ်ႁိမ်းဝၢၼ်ႈ ၊ ဢမ်ႇၶႂ်ႈႁႂ်ႈမီးပၢင်တိုၵ်းသင်သေ ႁႂ်ႈလႆႈႁဵတ်းၵိၼ်ႁႃၵိၼ်ၵတ်းၵတ်းယဵၼ်ယဵၼ်ၵူၺ်း ၼႆယဝ်ႈ ။
ဝၢၼ်ႈၼႃးသၢႆးၼႆႉ ယၢၼ်ၵႆၵၼ်တင်းဝဵင်းၼမ်ႉတူႈ မွၵ်ႈ 20 လၵ်းပၢႆ ၊ မီးႁိမ်းသဵၼ်ႈတၢင်းၵႃးလူင် တၢင်းၵႂႃႇလႃႈသဵဝ်ႈ ၊ လင်ႁိူၼ်းမီးမွၵ်ႇ 150 ပၢႆ မီးပီႈၼွင်ႉတႆး ၊ ပီႈၼွင်ႉလွႆ ၊ ပီႈၼွင်ႉၸၢဝ်းႄၶႇႄလႈ မၢၼ်ႈၶဝ်ယူႇသဝ်းဝႆႉ ၼႆၶႃႈယဝ်ႈ ။
ေၵႃသုိဝ်ႇၶၢဝ်ႇၵူၼ်းမူိင်းတႆး
08/05/2018
