ႁႅင်းၵၢၼ်တႆး ၺႃးၾႆးၾႃႉလုတ်ႇတီႈႁဵတ်းၵၢၼ် လႆႈတၢႆထင်တီႈ
ပႃႈဢွင်ႇ
မေးၼၢင်းလုင်းမွင်ႇပေးလၢတ်ႈဝႃႈ ၵဵဝ်ႇလူၺ်ႈလွင်ႈ လုင်းမွင်ႇပေး လႆႈလုတၢႆၼႆႉသေ
ၽၢႆႇတင်းၵုမ်ႇပၼီႇၵေႃႇသၢင်ႈၶဝ်ဝႃႈ ယႃႇပေၵႂႃႇတိူင်ႇလၢတ်ႈတီႈလႂ်၊ ၶဝ်တေဢဝ်ပုၼ်ႈၽွၼ်းၸၢႆႇပၼ်ၵႃႈႁဵတ်းပၢင်ၸႃႇပၼတင်းသဵင်ႈ ၊
ၵူၺ်းၵႃႈလႆႈ 3 ဝၼ်းယဝ်ႉ
ပႆႇပႃႈႁၼ်မႃးပၼ်ငိုၼ်းသင်၊ ၵွပ်ႈၼႆ လႆႈယွၼ်းတၢင်းၸွႆႈထႅမ်ဝႆႉတီႈ
ၸုမ်ၵဝ်ႉငဝ်ႈပူၵ်းပွင်သုၼ်ႇလႆႈၵူၼ်း HRDF ၶဝ်မႃးၸွႆႈဢုပ်ႇပၼ်ပေႃႈလဵင်ႉၶဝ်။
ၸၢႆးပိူင်း
ၽူႈၵိူဝ်းၵုမ်ၽၢႆႇမၢႆမီႈၸုမ်း HRDF လၢတ်ႈၼႄၸုမ်းငဝ်းႁၢင်ႈသဵင်တႆးဝႃႈ ၸွမ်းၼင်ႇ
မၢႆမီႈႁႅင်းၵၢၼ်မိူင်းထႆးမီးဝႆႉသေ
ႁႅင်းၵၢၼ်ဢၼ်လႆႈပဵၼ်ေၽးၵိုင်ႉၵၢင်ႉ လုတၢႆၵႂႃႇတီႈႁဵတ်းၵၢၼ်ၼၼ်ႉ ၽၢႆႇငိုၼ်းၵွင်ၵၢင်သၢႆႈတႅၼ်း
( ၵွင်ထုၼ်ႊငိုၼ်းထူတ်ႉထႅၼ်ႊ ) ၶဝ်
တေတႅၼ်းသၢႆႈပၼ် ႁူဝ်ပၢၵ်ႇ 60 ၶွင်ငိုၼ်းလိူၼ်တႃႇ 8 ပီ ။ ပေႃးလႆႈႁဵတ်းဝႆႉ ဝႂ်ႁပ်ႉႁွင်းပိူင်ၵူၼ်း ( ပရၵၢၼ်သင်ၶူမ်ႊ ) ၸိုင် တေလႆႈထႅင်ႈၵႃႈ ႁဵတ်းပၢင်ၸႃႇပၼ
ၼိုင်ႈပၢၵ်ႇပုၼ်ႈၶွင်ၵႃႈႁႅင်း ( မိူၼ်ၼင်ႇ လႆႈၵႃႈႁႅင်း 1
ဝၼ်း 3 ပၢၵ်ႇၸိုင် ေတလႆႈၵႃႈၸႃႇပၼ 3 မိုၼ်ႇဝၢတ်ႇ ) ၼႆယဝ်ႈ ။ ၵူၺ်းၵႃႈ ၽူႈၸၢင်ႈၼၢႆး ၸၢင်ႈၵေႃႈ ၸၢင်ႈမီးတၢင်းၽိတ်း ဢၼ်ဝႃႈလူၺ်ႈလွင်ႈ
ဢမ်ႇမီးလွင်ႈႁေႉ ၵင်ႈၵႅတ်ႇၶေၽေးၵိုင်ႉၵၢင်ႉတီႈႁဵတ်းၵၢၼ်တႃႇ လုၵ်ႈၸၢင်ႈ ၼႆၶႃႈယဝ်ႈ ။
ပၢင်ၸႃႇပၼလုင်းမွင်ႇပေးႄတႉ
ယဝ်ႉတူဝ်ႈၵႂႃႇတီႈဝတ်ႉလွင်းဢေႃႈ ပွၵ်ႉသၼ်ၽီသိူဝ်ႉ ဝဵင်းၵဵင်းမႆႇ ၼႂ်းဝၼ်းထိ 14/ 06/2018 ၼႆႉ
။ လုင်းမွင်ႇပေးၼႆႉ ပဵၼ်ၸၢဝ်းပဢူဝ်းသေ မီးလုၵ်ႈ
3 ၵေႃႉ။ လုၵ်ႈၸၢႆးလူင်ၼၼ်ႉ
ႁဵတ်းၵၢၼ်ၵေႃႇသၢင်ႈၸွႆႈပေႃႈသေတႃႉ ပႆႇပေႉတူဝ်၊ ၵေႃႉႁၢတ်ႈသမ်ႉ ပဵၼ်ၸဝ်ႈသၢင်ႇ
၊ ၵေႃႉလဵၵ်ႉသမ်ႉတိုၵ်ႉၶိုၼ်ႈႁူင်းႁဵၼ်း ၊ သမ်ႉပၢႆ လဵင်ႉသူင်ႇမေႈထဝ်ႈ ဢႃႇယု 80 ပၢႆ ဢၼ်ၵိုတ်းဝႆႉတီႈမိူင်းတႆး။
ၽွင်းမိူဝ်ႈၸဝ်ႈၽူဝ်ဢၼ်ပဵၼ် ႁူဝ်ငဝ်ႈၵဝ်ႉႁိူၼ်းလႆႈလုၵႂႃႇၼႆႉ
မၼ်းၼၢင်းတေလႆႈသိုပ်ႇပုတ်ႈဢဝ်ပုၼ်ႈ ၽွၼ်းႁႃလဵင်ႉၵၼ်ၵႂႃႇ မိူဝ်းၼႃႈ ၼႆယဝ်ႈ ။
ၵေႃသိုဝ်ႇၶၢဝ်ႇၵူၼ်းမိူင်းတႆး
15/06/2018
