ၼမ်ႉထူမ်ႈတီႈ ၸေႈဝဵင်းလႃႈသဵဝ်ႈ ၵူၼ်းမိူင်း 2 ပၢၵ်ႇပၢႆ လႆႈၶၢႆႉႁႃတီႈလွတ်ႈၽေး
တီႈၸေႈဝဵင်းလႃႈသဵဝ်ႈ မိူင်းတႆးပွတ်းႁွင်ႇၼၼ်ႉ
ယွၼ်ႉပိူဝ်ႈၾူၼ်မႃးႁႃႇယႂ်ႇထပ်းၵၼ် လၢႆလၢႆဝၼ်းလႄႈ ႁဵတ်းႁႂ်ႈ ၼမ်ႉယၢဝ်
လူၼ်ႉၼွင်းသွင်ၽင်ႇ လူၼ်ႉၶဝ်ႈၵႂႃႇၼႂ်းတိ်ူၵ်ႇႁႆႈလွၵ်းၼႃး ပႃးတင်း
ၼႂ်းဝၢၼ်ႈၼႂ်းဝဵင်း သေ ၵူၼ်းမိူင်း 2 ပၢၵ်ႇပၢႆ လႆႈၵႂႃႇယူႇတီႈလွတ်ႈၽေးၼမ်ႉဝႃႈၼႆ
ၼၢင်းမေႃႇ ႁူဝ်ၼႃႈၵူၼ်းၼုမ်ႇယိင်း ၼႂ်းဝၢၼ်ႈဢီႇၼႆးလၢတ်ႈၼႄၸုမ်းငဝ်းႁၢင်ႈသဵင်တႆးဝႃႈ ၼမ်ႉ ၶဝ်ႈမႃးၼႂ်း သူၼ်ၶဝ်ႈၶႄႇ လႄႈ လွၵ်းၼႃးဢွၼ်တၢင်း မိူဝ်ႈဝႃးယၢမ်းၼႂ် ၊ သေယဝ်ႉ ထိုင်ႁူဝ်ၶမ်ႈမႃး သမ်ႉ လူၼ်ႉၶဝ်ႈမႃးၼႂ်းဝၢၼ်ႈၼႂ်းႁိူၼ်း ။ မၢင်ႁိူၼ်းၼႆႉ ထူမ်ႈထိုင်ဢႅဝ် ၊ မၢင်ႁိူၼ်းၵေႃႈ ထူမ်ႈထိုင်ႁူဝ်ဢူၵ်း ၊ ၽႂ်ၵေႃႈဢမ်ႇၸၢင်ႈယူႇသေဢိတ်းယဝ်ႉလႄႈ လႆႈပၢႆႈၵႂႃႇ ယူႇတီႈ ႁိူၼ်းပီႈႁိူၼ်းၼွင်ႉ ဢၼ်မီးတီႈသုင် ၊ ထိုင်ဝၼ်း ဝၼ်းထိ 31 ၼႆႉ ၸုမ်းၸွႆႈထႅမ်ၶဝ် ဢွၼ်ၶဝ်ၵႂႃႇယူႇဝႆႉ တီႈ ဝတ်ႉၵျႂင်းမုၼ်ၸဝ်ႈ ဝၢၼ်ႈဢီႇၼႆး တင်းသဵင်ႈ မီးၵူၼ်း 7႐ ပၢႆ ၊ မီးၸုမ်း ပႃႇတီႇႁူဝ်သိူဝ် လႄႈ ၸုမ်းၸွႆႈထႅမ် ၵမ်ႉပေႃးၸႃႉ ၊ ၸုမ်း ယိၼ်ႇၺဵင်းေယးၶဝ် မႃးၸွႆႈထႅမ်ပၼ် ၶဝ်ႈၼမ်ႉတၢင်းၵိၼ် ၼႆယဝ်ႈ ။
လိူဝ်သေၼႆႉဢမ်ႇၵႃး တီႈၼႂ်းပွၵ်ႉ 12 ဢၼ်မီးတီႈ သၢပ်ႇဝဵင်းလႃႈသဵဝ်ႈၵေႃႈ
ၼမ်ႉယၢဝ်လူၼ်ႉၼွင်း သႂ်ႇႁိူၼ်းယေး လႄႈ ၵူၼ်းမိူင်း ပၢၵ်ႇႁႃႈသိပ်းပၢႆ
လႆႈပၢႆႈၼီႈၽေးၼမ်ႉ ။
တီႈဝဵင်းလႃႈသဵဝ်ႈ ၼႂ်းပွၵ်ႉ 12 ၼႆႉၵူၺ်းၼင်ႇၵဝ်ႇ ပူၼ်ႉမႃး ဝၼ်းထိ 28 ၼၼ်ႉ
ၼမ်ႉထူမ်ႈၼိူဝ်တၢင်းၵႃး တၢင်းၵႂႃႇၽၢႆႁူးမူၼ်ႈ ၊
ၶေးၼမ်ႉလႆလူင်းမႃးႁႅင်းၼႃႇလႄႈ လူတ်ႉၵႃးလမ်းၼိုင်ႈ လႆႈလွင်ႈၵႂႃႇၸွမ်းၼမ်ႉ ၊
ၵူၼ်းႁေႃႈ ၵႃးၵေႃႈ လႆႈႁၢႆလၢႆၵႂႃႇ မွၵ်ႈ 3
ဝၼ်းသေ ထိုင်မႃးဝၼ်းထိ 31 ၸင်ႇႁၼ်ၶိုၼ်းတူဝ်တၢႆမၼ်းၸၢႆး ၼႆၶႃႈယဝ်ႈ ။
ၶွပ်ႈၸႂ်ထိုင်ၶႅပ်းႁၢင်ႈ-https://m.facebook.com/story.php? story_fbid=2497956350218146&id=100000114166357
ၵေႃသိုဝ်ႇၶၢဝ်ႇၵူၼ်းမိူင်းတႆး 31/7/2018
