ပႃႇတီႇႁူဝ်သိူဝ် ၺႃးႁၢမ်ႈႁေႉ ၽွင်းတိုၵ်ႉလူင်းႁႃသဵင်ႁူပ်ႉထူပ်းၵူၼ်းမိူင်း
တႃႇတေၶဝ်ႈပႃးၶေႉၶဵင်ႇ ပၢင်လိူၵ်ႈတင်ႈသွမ်ႈ ပီ 2018 ဢၼ်တေၸတ်းႁဵတ်းၵႂႃႇ
ၼႂ်းဝၼ်းထိ 3 လိူၼ်ထူၼ်ႈ
11 ၼႆႉသေ
ပႃႇတီႇၽႂ်မၼ်း ဢွၼ်ၵၼ်လူင်းပိုၼ်ႉတီႈႁႃသဵင်ၵူၼ်းမိူင်း ။
မၼ်းၸၢႆးသိုပ်ႇလၢတ်ႈထႅင်ႈဝႃႈ
မိူဝ်ႈၽူႈၵွၼ်းၸေႈဝဵင်း လႆႈထၢမ်ၵႂႃႇၶိုၼ်းတီႈ ၽူႈၵွၼ်းဢိူင်ႇဝႃႈ ယွၼ်ႉသင်လႆႈ
ႁၢမ်ႈႁေႉၸိူင်ႉၼၼ် မၼ်းၵေႃႈၶိုၼ်းတွပ်ႇဝႃႈ ယွၼ်ႉပိူဝ်ႈၵူၼ်းဝၢၼ်ႈၶဝ်
ဢမ်ႇယွၼ်းၶႂၢင်ႉဝႆႉဢွၼ်တၢင်း ၊ တီႈတေႉမၼ်း ပႃႇတီႇႁူဝ်သိူဝ်
လႆႈၶႂၢင်ႉတီႈၶွမ်ႇမသျိၼ်ႇၽၢႆႇလိူၵ်ႈတင်ႈသေ ၸင်ႇလူင်းသူၼ်း တုမ်ႁႃသဵင် ၼႆယဝ်ႈ ထိုင်မႃးထႅင်ႈ ဝၼ်းၼိုင်ႈ တီႈဝၢၼ်ႈၺွင်ႇသႃႇယႃႇ ဢၼ်ဝႃႈၼၼ်ႉၵေႃႈ
မီးၵူၼ်းၼႂ်းၸုမ်း ပႃႇတီႇၼူၵ်ႉယုင်းၵေႃႉၼိုင်ႈ
မႃးၸႂ်ႉၸဝ်ႈႁိူၼ်းၵွၵ်းပႅတ်ႈၶိုၼ်း ပၢႆႉသတိတ်ႇၵိူဝ်ႇပႃႇတီႇႁူဝ်သိူဝ်
ဢၼ်တိတ်းဝႆႉတီႈၼႃႈႁိူၼ်းၶဝ် ၊ ၸဝ်ႈႁိူၼ်းဝႃႈဢမ်ႇၵွၵ်းပႅတ်ႈလႆႈၼႆလႄႈ
လႆႈၽိတ်းမေႃးၵၼ် ၊ ယၢမ်းလဵဝ် လႆႈတွင်ႈထၢမ်ဝႆႉ ၸိုဝ်ႈလႄႈ မၢႆၵပ်းတူဝ်ပႃႇတီႇ
ၵေႃႉဢၼ်မႃးႁေႉႁၢမ်ႈသေ ဢၢင်ႈတေတိူင်ႇလၢတ်ႈထိုင် လုမ်းၶွမ်ႇမသျိၼ်ႇလိူၵ်ႈတင်ႈၼႆယဝ်ႈ ။
လုင်းၸၢႆးလဵၵ်း လၢတ်ႈဝႃႈ ၼႂ်းဢိူင်ႇၼၼ်ႉ
မိူဝ်ႈတႄႇမၼ်း ႁူဝ်ၼပ်ႉၵူၼ်းမၢၼ်ႈ ဢၼ်မီးသုၼ်ႇ တွတ်ႈၶႅပ်း ၵၢင်ၸႂ် မီး 503 ၵေႃႉ ၊
ၵူၺ်းၵႃႈ မိူဝ်ႈၵူၼ်းဝၢၼ်ႈၶဝ်ၵႂႃႇတူၺ်းၸိုဝ်ႈၶဝ်ၶိုၼ်းၼၼ်ႉ သမ်ႉလႆႈႁၼ်တႅမ်ႈဝႆႉ ပဵၼ်တႆး - မၢၼ်ႈ
ၼႆလႄႈ ၶိုၼ်းထွၼ်မႃးပဵၼ်တႆး ယွၼ်ႉၼႆ ႁူဝ်ၼပ်ႉၵူၼ်းမၢၼ်ႈ ယွမ်းၵႂႃႇၶိုၼ်းပၢၵ်ႇပၢႆ ထၢင်ႇတႄႉ ၶဝ်ဢမ်ႇႁၢၼ်ႉၸႂ်ၼိူဝ်လွင်ႈၼႆႉလႄႈ ၵျၢမ်ႇၶႂ်ႈၵဝ်းပႃႇတီႇတႆး ၵေႃႈပဵၼ်လႆႈ ၼႆယဝ်ႈ
။
ဢွင်ႈတီႈ ၽွင်းလူင်ၽၢႆႇလွင်ႈၸၢဝ်းၶိူဝ်းတႆး
ဝဵင်းတႃႈလိူဝ်ႇ တီႈၼိုင်ႈ ၼႆႉ ၽူႈဢၼ်တေၶဝ်ႈၶေႉၶဵင်ႇ တင်းသဵင်ႈ မီး 5 ၵေႃႉ ၊ ( ႑ ) ၼၢင်းထူၺ်းမူင်ႇ
- ပႃႇတီႇႁူဝ်သိူဝ်
SNLD ငဝ်ႈငုၼ်းတီႇမူဝ်ႇၶရေႇသီႇၸိူဝ်ႉၶိူဝ်းတႆး
( 2 ) တွၵ်ႇတိူဝ်ႇၸၢႆးၵျေႃႇဢူင်း
- ပႃႇတီႇသိူဝ်ၽိူၵ်ႇ SNDP တီႇမူဝ်ႇၶရႅတ်ႉတိတ်ႉပႃႇတီႇၸၢဝ်းၶိူဝ်းတႆး ( 3 ) လုင်းၸၢႆးပၢၼ်းသႅင်
ႁွင်ႉ ၸၢႆးထုၼ်းၸိင်ႇ ပႃႇတီႇၼူၵ်ႉယုင်း NLD ငဝ်ႈငုၼ်းတီႇမူဝ်ႇၶရေႇသီႇၸိူဝ်ႉၸၢတ်ႈ
( 4 ) လုင်းၸၢႆးဢွင်ႇၵျီႇ
ပႃႇတီႇသင်ႇသီႈ USDP လွင်ႈႁုၼ်ႈမုၼ်းမၼ်ႈၵိုမ်းမိူင်းႁူမ်ႈတုမ်
လႄႈ ( 5 ) ဢူးဢွင်ႇထေး
ၵေႃႉယၢမ်ႈပဵၼ်ၵေႃႉမတီႇ ၽၢႆႇၶွၼ်ႈၵိုၼ်းသႃႇယႃႇဝဵင်းလိူဝ်ႇ တေၶဝ်ႈပႃးၶေႉၶဵင်ႇ
ၼႂ်းၼမ်း ပူၵ်ႉၵလသုၼ်ႇတူဝ်ႇ ၼႆၶႃႈယဝ်ႈ ။
Photo: SNLD Election Campaign
ၵေႃသိုဝ်ႇၶၢဝ်ႇၵူၼ်းမိူင်းတႆး
24/09/2018
ไม่มีความคิดเห็น