ၵေႃသိုဝ်ႇၶၢဝ်ႇၵူၼ်းမိူင်းတႆး ပိူင်းၾႆးပၼ်ႁႂ်ႈႁူႉၸေး ၶူၼ်းလေႃးလေးၶဝ်ႈၵၼ် သိုပ်ႇယိုၼ်ႈပၼ်ၶၢဝ်ႇငၢဝ်း ႁႂ်ႈၸၢဝ်းၶိူဝ်းတႆးလူ ၵေႃႁဝ်းတေၽုၺ်ႇၽၵ်းတူပၼ်ယူႇ Taipmtv@gmail.com

မၢၵ်ႇတႅၵ်ႇႁိမ်းၶၢင်ႈသဵၼ်ႈတၢင်း ၵႄႈၵၢင်ဝဵင်းၵျွၵ်း​မႄး​လႄႈဝဵင်းမိူင်း​ငေႃႉ​ ၼၢင်းယိင်းတႆး 2 ​ၵေႃႉ လႆႈတၢင်းမၢတ်ႇၸဵပ်းႁၢဝ်ႈႁႅင်း

Image may contain: one or more people and people sitting

မိူဝ်ႈဝႃးဝၼ်းထိ 11 လိူၼ်ၼူဝ်ႇဝႅၼ်ႇပိူဝ်ႇ 2018 ၶၢဝ်းယၢမ်းၵၢင်ၼႂ် 9:45 မူင်းၼၼ်ႉ မီးလွင်ႈမၢၵ်ႇတႅၵ်ႇႁိမ်းၶၢင်ႈသဵၼ်ႈတင်းလူင်ၼႂ်း​ၵႄႈၵၢင် ​ၸေႈဝဵင်းၵျွၵ်း​မႄး​​လႄႈ​ၸေႈဝဵင်း​ၽေမိူင်း​ငေႃႉ​​​သေယဝ်ႉ မႅၼ်ႈၺႃးၽွင်းၼၢင်းယိင်းတႆး 2 ​ၵေႃႉ တိုၵ်ႉ​ႁေႃႈလူတ်ႉၶိူင်ႈမႃး​သေမၢၵ်ႇတႅၵ်ႈလႄႈ လႆႈတၢင်းမၢတ်ႇၸဵပ်းၵႂႃႇႁၢဝ်ႈႁႅင်းၼႆယဝ်ႉ။

ၼၢင်းယိင်းတႆး 2 ​ၵေႃႉဢၼ်လႆႈတၢင်းမၢတ်ႇၸဵပ်းၼႆႉ ယူႇသဝ်းၼႂ်းမူႇဝၢၼ်ႈၶူဝ်ငိုၼ်း ဢိူင်ႇဝၢၼ်ႈၶွၵ်ႈ ​ၸေႈဝဵင်း​ၽေမိူင်း​ငေႃႉ ​ၸေႈတွၼ်ႈၵျွၵ်း​မႄး မိူင်းတႆးပွတ်းႁွင်ႇသေ ၼၢင်းၶမ်းယဵၼ်ႇ ဢႃႇယု 20 ပီႊ​လႄႈ ၼၢင်းငူၺ်ႇၶႆႇ ဢႃႇယု 26 ပီႊ ၽွင်းၶဝ်သွင်​ၵေႃႉ တိုၵ်ႉၶီႇလူတ်ႉၶိူင်ႈ သႅၼ်း KANBO 125 သီလမ်​သေ ဢွၵ်ႇၶၢဝ်းတၢင်းမုင်ႈၼႃႈမႃး တင်းဝဵင်းၵျွၵ်း​မႄး ၽွင်းတိုၵ်ႉမႃးႁွတ်ႈတီႈၼႂ်း​ၵႄႈ မူႇဝၢၼ်ႈၶူဝ်ငိုၼ်း​လႄႈမူႇဝၢၼ်ႈၼမ်ႉမၼ်းယူႇၼၼ်ႉ ၵိုင်ႉၵၢင်ႉမႃးထူပ်း​ၺႃးမၢၵ်ႇတႅၵ်ႇ​သႂ်ႇႁိမ်းၶၢင်ႈသဵၼ်ႈတၢင်းလႄႈ ​ၵေႃႉပဵၼ်ၼၢင်းၶမ်းယဵၼ်ႇလႆႈႁပ်ႉတၢင်းမၢတ်ႇၸဵပ်းတီႈၵွၵ်းႁူဝ်ၽၢႆႇသၢႆႉ​ တီႈၵၢၼ်ႈ​ၶေႃး ​လႄႈ တီႈၶႅၼ်ၽၢႆႇသၢႆႉ​သေ ပဵၼ်ဢၼ်လႆႈမႆႈၸႂ်ၸွမ်းဝႆႉယႂ်ႇလူင်ၼႆယဝ်ႉ ၵေႃႉပဵၼ်ၼၢင်းငူၺ်ႇၶႆႇၵေႃႈ လႆႈတၢင်းမၢတ်ႇၸဵပ်းတင်းၼမ်တင်းလၢႆၼႆယဝ်ႉ။

Image may contain: one or more people

ယၢမ်းလဵဝ်​ၵေႃႉပဵၼ်ၼၢင်းၶမ်းယဵၼ်ႇ​လႄႈ ၼၢင်းငူၺ်ႇၶၢႆႇၶဝ်တင်းသွင် ဢၼ်လႆႈတၢင်းမၢတ်ႇၸဵပ်းႁၢဝ်ႈႁႅင်းၼၼ်ႉ လႆႈသူင်ႇယူတ်းယႃတူဝ်ဝႆႉတီႈႁူင်းယႃလူင်ၵူၼ်းမိူင်းၵျွၵ်းမႄး တီႈၼႂ်းၶွင်ႉၽႃႇတတ်း လင်ထီႉ 1  ၵူႇၵူၼ်းပဵၼ် မၢႆ 3 ​လႄႈမၢႆ 6 ၼႆယဝ်ႉ။

ယိၼ်းၸူမ်းၸဝ်ႈၶွင်ၶႅပ်းႁၢင်ႈ- Kyaw Kyaw Oo
ၸၢႆးဢွၼ်ႇဝၼ်း ၵေႃသိုဝ်ႇၶၢဝ်ႇၵူၼ်းမိူင်းတႆး 12/11/2018

#ၵေႃသိုဝ်ႇၶၢဝ်ႇၵူၼ်းမိူင်းတႆး #ၵေႃသိုဝ်ႇၶၢဝ်ႇတႆး #ၶၢဝ်ႇတႆး #ၶၢဝ်ႇ #တႆး #ၵူၼ်းမိူင်းတႆး #ၵူၼ်းၶိူဝ်းတႆး #ၸၢဝ်းၶိူဝ်းတႆး #ပီႈၼွင်ႉတႆး #ႁႅင်းၵၢၼ်တႆး #ႁႅင်းၵၢၼ်ယၢၼ်မိူင်း #မိူင်းတႆး #ၶိူဝ်းတႆး #ထီႇလူင်ပွင်ၸိုင်ႈထႆး #ထီႇထႆး #ထီႇ 2 တူဝ် #ထီႇ 3 တူဝ် #ၼၢင်းယိင်းတႆး #မၢၵ်ႇတႅၵ်ႇ #ၵျွၵ်းမႄး မိူင်းငေႃႉ #taipmtvnews 
#taipmnews #tpmnews #news #taipublicmedia #taipublic #taimedia #shanmedia #tai #shan #state #shanstate #ไทใหญ่ #ไตย #แรงงานไทใหญ่ #แรงงานผิดกฎหมาย

ไม่มีความคิดเห็น

ขับเคลื่อนโดย Blogger.