ၸုမ်းၵေႃပွင်ၵၢၼ်ၸွႆႈၸိူဝ်ႉၸၢတ်ႈ ႁူမ်ႈတင်းၸုမ်းတႆးၵေႃႉလီ ႁူမ်ႈၵၼ်ၸႅၵ်ႇပပ်ႉလိၵ်ႈယွမ်ႉသီ ပၼ်လုၵ်ႈဢွၼ်ႇ ၼႂ်းၸိုင်ႈတႆး
ပူၼ်ႉမႃးမိူဝ်ႈဝၼ်းထိ 30 လိူၼ်မတ်ႉ 2019 ၼၼ်ႉ တင်းၽၢႆႇၵေႃပွင်ၵၢၼ်ၸွႆႈၸိူဝ်ႉၸၢတ်ႈ
ဝဵင်းမိူင်းၵွၵ်ႇ ဢၼ်ၸတ်းႁဵတ်းပီမႂ်ႇတႆးမိူဝ်ႈ 2113 ၼီႈမိူဝ်ႈပူၼ်ႉမႃး လႆႈႁူမ်ႈမိုဝ်းၵၼ်တင်းၸုမ်းတႆးၵေႃႉလီ
ၼႂ်းၸိုင်ႈတႆးသေ ႁူမ်ႈၵၼ်ၸႅၵ်ႇပပ်ႉလိၵ်ႈယွမ်ႉသီ တႃႇပၢင်သွၼ်လိၵ်ႈတႆးၶၢဝ်းမႆႈ ႁူင်းႁဵၼ်းထမ်ႇမသၢမ်တီႈ
ၼႂ်းၸိုင်ႈတႆးၼႆယဝ်ႉ။
ၸုမ်းၵေႃပွင်ၵၢၼ်ၸွႆႈၸိူဝ်ႉၸၢတ်ႈ ဢၼ်မီးပီႈၸၢႆးၼေႃႇၶမ်းဢွၼ်ႁူဝ်
ပဵၼ်ၸုမ်းတူင်ႉၼုိင်လွင်ႈတူင်ႇဝူင်းၵူၼ်း ၼႂ်းမိူင်းၵွၵ်ႇသေ ပီမႂ်ႇတႆး 2113 ၼီႈမိူဝ်ႈပူၼ်ႉမႃးၼၼ်ႉ
လႆႈၸတ်းႁဵတ်းပၢင်ပွႆးပီမႂ်ႇတႆးၶုိၼ်ႈမႃးတီႈလၢမ်းဢိၼ်းထႃး မိူင်းၵွၵ်ႇ လႆႈလၢတ်ႈထိုင်တၢင်းယိူင်းဢၢၼ်းမိူဝ်ႈၽွင်းၼၼ်ႉဝႃႈ
ယိူင်းဢၢၼ်းၸတ်းႁဵတ်းပွႆးပီမႂ်ႇတႆးၼၼ်ႉ တွၼ်ႈတႃႇႁၵ်ႉသႃသိမ်းပႅင်းၾိင်ႈထုင်းပီႈမႂ်ႇတႆး
ႁူမ်ႈတင်းႁႂ်ႈပီႈၼွင်ႉတႆး မီးလွင်ႈၽွမ်ႉႁူမ်ႈၵၼ်လႄႈ သင်ဝႃပွႆးပီမႂ်ႇတႆးယဝ်ႉ ယိူင်းဢၢၼ်းတေမိူဝ်းၸွႆႈလုၵ်ႈဢွၼ်ႇႁဵၼ်းၼႂ်းမိူင်းတႆးၼႆယဝ်ႉ။
ၵွပ်ႈၼၼ် ၸင်ႇလႆႈႁူမ်ႈၵၼ်တင်းၸုမ်းတႆးၵေႃႉလီ ၼႂ်းၸိုင်ႈတႆးသေ
လႆႈၸွႆႈၵၼ်ၸႅၵ်ႇပပ်ႉလိၵ်ႈယွမ်ႉသီပၼ်လုၵ်ႈဢွၼ်ႇ တႃႇပၢင်သွၼ်လိၵ်ႈတႆးၶၢဝ်းမႆႈ ႁူင်းႁဵၼ်းထမ်ႇမ သၢမ်တီႈၼႂ်းၸိုင်ႈတႆး
တီႈဝတ်ႉၵုင်းၼိမ်း ဝဵင်းလၢႆးၶႃႈ ဝၢၼ်ႈႁူၺ်ႈယဵၼ်ႇ ဝၢၼ်ႈၼွင်ပၢင်ႇ ဝဵင်းလၢႆးၶႃႈ ၸိုင်ႈတႆး
ပွတ်းၸၢၼ်းၼႆယဝ်ႉ။
ယိၼ်းၸူမ်းၸဝ်ႈၶွင်ၶႅပ်းႁၢင်ႈ
ၵေႃသိုဝ်ႇၶၢဝ်ႇၵူၼ်းမိူင်းတႆး
07/04/2019
ไม่มีความคิดเห็น